بما انو شفت في كتير عضاء عم يطلبو دروس بالغيتار ..فقلت بحالي اجرب اعمل واحد واشوف التجاوب اذا لقيت في اقبال كتير بعمل دروس كمان...واذا شفت ماحدا مهتم او قلب الموضوع لمشاركات شكر فكمان ما رح كمل...يعني اهم شي اني شوف في تجاوب ولو واحد على الاقل...
طبعا اذا عندن اي استفسار او حسيتو انو في شي غامض اسألو وانا جاهز لأي سؤال.
...
الدروس بدها تكون على شكل نوطة غيتار برو للسهولة...وكل درس بيكون في معه درمز مشان سهولة التعليم ومشان الواحد مايمل...خصوصا بتمرينات الاصابع
فيكن تنزلو البرنامج من هون:
[فقط الأعضاء المسجلين يمكنهم رؤية الروابط. ]
...
وقبل ماتبلشو الدرس شوفو هادا الموضوع يلي منزله كريس كمان مشان تعرفو تقرو التاب:
[فقط الأعضاء المسجلين يمكنهم رؤية الروابط. ]

____
منجي لدرس اليوم(موجود بالمرفقات):
هادا رح يكون اول درس...ورح يكون عبارة عن انواع العلامات الموسيقية وتمرينات اصابيع للمبتدئين.
منجي اول شي للنوتات
في عنا شي اسمه measure وهو عبارة عن عمودين متل مو مبين بالصورة(العمودين الحمر).
وبين العمودين بينحطو النوتات...وكل measure لازم يكون فيه اربع ازمنة مكتملة ومابيصير اقل(عم ندرس هون الحالة الاعتيادية مشان مانعقد الوضع بس لاتستغرب اذا سمعت غير هالحكي)
منجي هلأ لأنواع النوتات:
1- الwhole note وهي تعادل اربع ازمنة...معناتا لما بيكون عنا whole note بيكون الmeasure كامل وبالتالي مابدنا غير وحدة ليكتمل الmeasure.
2- ال half note وهي تعادل زمنين...وبالتالي بدنا تنتين منها ليصير عنا measure كامل.
3- ال quarter note تعادل زمن...وبالتالي بدنا اربعة حتى يكتمل الmeasure.
4- ال 8th note ...وتعادل نصف زمن....وبالتالي بدنا 8 ليكتمل الmeasure.
5-ال 16th note وتعادل ربع زمن ...معناتا بدنا 16 وحدة ليكتمل الmeasure .
وهي الصورة:


___
تاني شي تمرينات الاصابع:
وعلى فكرة ماحدا يستهون بهي التمرينات ...على قد ماهية مملة على قد ماهية مهمة
وهدول بيروحو معك العمر كله في حال كنت ناوي تصير غيتاريست مرتب...بس بتختلف صعوبتهن.
اول شي لازم تعرف كيف تمسك الريشة حتى تبلش مزبوط...
مسكة الريشة بتصير بين الابهام والسبابة.
بينما الايد التانية يلي بتكون على الfret board او الايد اليسار بتستعمل فيها الاصابيع الاربعة(الخنصر والبنصر والوسطى والسبابة(يمكن هيك كان اسمهن)) مشان تضغط على الاوتار...وفي نقطة مهمة انو لازم تستعمل الاصابيع الربعة كلهن وماتركز بس على تنين لأنو بالاخير بدك تستعملهن كلهن خصوصا بالسولو...فختصر الوقت من هلأ.
وبيترقمو الاصابيع من ال 1 للسبابة و2 للوسطى و3 للبنصر و4 للخنصر.

...
منجي للتمارين هلأ
التمرين الاولEX.1 :
عبارة عن تحماية صغيرة للايد اليمين يلي ماسك فيها الريشة وهون عم نستعمل نمط اسمه down picking يعني كل ضربات الوتر لازم تكون لتحت باتجاه الارض.

التمرين EX.2 :
متل الاول...بس هون بدل الdownpicking بدنا نستعمل نمط تاني اسمه alternate picking وهادا كتير مهم وهو عبارة عن انو مرة منضرب الوتر لتحت باتجاه الارض ومرة لفوق....يعني بهالشكل....فوق تحت فوق تحت ...الخ
واذا واجهت صعوبة فيه...مهل شوي وخود وقتك لأنو اذا ماتعلمت هادا النمط فأنت تقريبا مابتعرف شي بالغيتار.

التمرين EX.3 :
هون تحماية للايد اليسار واليمين....بكل وتر منعزف اربع نوتات ومننتقل للوتر البعدو...مرة تصاعدي ومرة تنازلي
وتوزيع الاصابيع على الشكل التالي:
1 للاصبع السبابة
2 للاصبع الوسطى
3 للاصبع البنصر
4 للاصبع الخنصر
واهم شي يهالتمرين انك تتقيد بهالتوزيع للاصابع...
ومننتبه انو كل النوتات بتنعزف هون بال down picking

التمرين EX.4 :
كتل التمرين رقم 3 بس بدل الdown picking منستعمل الalternate picking
___
وهيك بيكون خلص اول درس ...خدو وقتكن بهالدرس وحاولو انكن تتدربو اقل شي ربع ساعة باليوم ...ولا تتوقع انك تتقن الدرس باقل من اسبوع...بس كلما تقدرو ادربو اكتر

بانتظار رأيكن
وعلى فكرة هادا الدرس حصري للموقع يعني من شغلي الشخصي وليس نقل او ترجمة

ممتاز شريك شرح مبسط وحلو ومهم كتير للمبتدئين
وانا رح ثبتلك دورة وبنتظر درس تاني ..
بتوفيق حبيب ...

معلش اسمحو للادارة تشكركن شباب ع جهدكن وانشالله الكل بيستفيد وانا اولن
سلام

اهلين بالادارة...نورتو :d
وشكرا كريس على التثبيت..وانا متل ماقلت اذا شفت في تجاوب اكيد رح كمل
واكيد بشار نحنا هدفنا بالاخر انو الكل يستفاد...بس اذا بدك دروس خصوصي ليش لأ :d

مشكور ابو شريك كنت من زمان بدور على دروس تسلمو

شرحك كتير حلو... هلأ انا عندي فكرة عن الغيتار لانو في عندي تنين بالبيت صارعين سماي طول اليوم على عزف بالغيتار(أخي الكبير وأخي الصغير) مشان هيك انا فهمان عليك.. بس المبتدئ الي ماعندو فكرة مارح يفهم شي
مشان هيك انت لو بترفق لينك فيديو للشرح مشان المبتديئين جدا يفهمو عليك
يعني خلي شرحك هون متل ماهو.. كتير حلو وبسيط.. بس انو ضيف رابط فيديو اذا امكن مشان الشباب الي بدهون يمسكو غيتار لأول مرة ويعطيك الف الف عافية

للاسف الشديد ليس لدي جيتار لكن شرحك يبدو سهلا و رائع

عندما يكون لدي جيتاري الخاص سوف اقوم بالتعلم عليه و سوف ارجع لدروسك صديقي

شكرا جزيلا لك مره اخري علي هذا الطرح الاكثر من ممتاز

أنا عم أتعلم Keyboard حالياً و ما بتوقع أني اشتري غيتار بالوقت القريب ...بس عنجد شرح بيشهي الواحد يبلش يتعلم ..... قديش بدو الواحد ليصير Rhythm Guitarist إذا بيتدرب كل يوم ساعة و بالصيف 3 إلى أربع ساعات ؟؟
(بس افتراضات)